Systrasamlagið og Flothetta í samvinnu við Hveragerðisbæ kynna fyrsta Sveita-Samflotið í Laugaskarði sem haldið verið laugardagskvöldið 12. nóvember frá 20.00 til 21.30.
Jógakennararnir Unnur Einarsdóttir og Sólbjört Guðmundsdóttir, eigendur Ljósheima, munu leiða okkur inn í Samflotið með endurnærandi jógaæfingum og tónheilun.
Til frekari fróðleiks má geta þess að Sundlaugin Laugaskarði er í hópi elstu lauga landsins en vatni var fyrst hleypt í laugina árið 1938. Hún er fræg fyrir fallegt umhverfi og sína náttúrulega eiginleika. Sundlaugin Laugaskarði er 50 metra löng og var um langa hríð stærsta sundlaug landsins. Hún er svokölluð gegnumrennslislaug, hituð upp með jarðgufu, sem tryggir eðlilegt sýrustig og hreinleika vatnsins. Laugin verður sérstaklega hituð upp í tilefni Sveita-Samflotssins.
Verð:
- 8.000 kr með leigu á Flothettu & fótafloti.
- 6.500 kr. fyrir þá sem eiga Flothettu & fótaflot.
Innifalið:
- Aðgangur að Laugaskarði
- Flothetta & fótaflot (fyrir þá sem ekki eiga).
- Skot á sundlaugabakkanum, nærandi drykkur og súrdeigssamloka til að grípa með sér eftir Samflotið.
Miðasala fer fram í netverslun vef Systrasamlagsins, www.systrasamlagid.is
Allir hjartanlega velkomnir
ATH að fólk fer í Hveragerði á eigin vegum og þar bíða Flothetturnar þeirra sem hafa leigt þær
