Það er orðinn fastur liður í jólahátíð Hvergerðinga að Hveragerðisbær veitir afreksfólki í íþróttum viðurkenningu fyrir unnin afrek á árinu og útnefnir íþróttamann Hveragerðis. Að þessu sinni eru 15 íþróttamenn heiðraðir en þeir hafa sýnt mikinn metnað til að ná langt í sinni íþróttagrein og eru svo sannarlega góð fyrirmynd fyrir bæinn og yngri íþróttamenn.
Í dag, þann 29. desember kl. 17 verður athöfn á vegum menningar-, íþrótta- og frístundanefndar í Listasafni Árnesinga þar sem lýst verður kjöri íþróttamanns Hveragerðis.